खुला लिपिKHULA LIPIनेपालका सबै भाषाहरूका लागि एउटै थलो
नेपालीमा सहज, स्वाभाविक र नेपालकै आवश्यकताअनुसार लेख्न सकिने आफ्नै उपकरण बनाउने चाहनाबाट खुला लिपि सुरु भयो।
किन आवश्यक भयो?
म १२ वर्षभन्दा लामो समयदेखि अनुवादको काम गर्दै आएको छु। नेपालीमा धेरै लेख्नु मेरो दैनिक कामकै हिस्सा हो। Google Input Tools मलाई निकै मन पर्थ्यो, तर त्यो पूर्ण थिएन। मैले प्रयोग गर्ने desktop संस्करण बन्द भएपछि यसको विकास अघि बढेन, र नेपालका ठाउँ, संस्था, ब्रान्ड, छोटकरी तथा स्वाभाविक नेपाली विकल्पजस्ता नेपाल-विशेष आवश्यकता पनि पर्याप्त रूपमा समेटिएका थिएनन्।
लामो समयको चाहना
नेपालीका लागि आफ्नै, घरमै बनेको विकल्प विकास गर्ने मेरो चाहना धेरै पहिलेदेखि थियो। तर कोडिङ सीप नभएकाले त्यसलाई व्यवहारमा उतार्न सकेको थिइनँ। पछि केही कोडिङ सिक्दै र AI-सहायित “vibe coding” उपकरणहरूको उपयोग गर्दै मैले खुला लिपि विकास गरेँ। यसमा नेपाली अर्थका विकल्प, छोटकरीको पूरा रूप र नेपाल-विशेष नामहरूको सही लेखाइजस्ता नयाँ सुविधाहरू पनि थपेको छु।
अझै विकास हुँदै
खुला लिपि प्रयोग गर्नुहोस् र सुधारका सुझाव पठाउनुहोस्। सहकार्य गर्न चाहनुहुन्छ भने निःसङ्कोच सम्पर्क गर्नुहोस्। सबैले नेपालीमा सजिलै टाइप गर्न सकून् भनेर यसको खबर अरूलाई पनि सुनाइदिनुहोस्।
खुला लिपिको पहुँच
यी समग्र गणना हुन्, फरक व्यक्तिको सङ्ख्या होइनन्। डाउनलोड बटनमा गरिएको क्लिकले स्थापना पूरा भएको जनाउँदैन। लेखनको गणना Write पृष्ठमा पहिलो पटक सम्पादन गर्दा हुन्छ; पृष्ठ फेरि खोलेर सम्पादन गर्दा फेरि गणना हुन सक्छ। अफलाइन वा मापन रोकिएको प्रयोग समेटिँदैन।
तथ्याङ्क लोड हुँदै…
विश्वसनीयता र पारदर्शिता
खुला लिपिका पाठ, उखान, टुक्का र गाउँ खाने कथाका स्रोत, समीक्षा अवस्था, सुधार प्रक्रिया र प्रविधिको भूमिकाबारे पढ्नुहोस्।